近來發現Moses心事重重，尾巴下垂，好像好多野諗，唔知係咪呷大小吉的醋？ 今晚乘牠在大床睡覺時，走入去摸下牠，告訴牠...

「大吉、小吉係會俾人地， Moses & Esther媽咪唔會俾人 ，係媽咪和爸爸既寶寶，Moses呢世都要跟住我地...」 Moses好開心，即刻咕咕，仲抬起頭，情深款款咁望住我，真係殺死人呀， 睇真d，其實Moses真係幾靚仔架！眼大大！

人家放工回家睇電視，我地收工回家係睇貓，由大貓Esther至最小既貓，除了事務上的照顧，仲要心理輔導下，咁樣就一晚架啦！ d生活真係非常健康。

今晚9:15pm小吉向我投訴，投訴我成日困住佢地兩兄弟，歡樂時光來到，放牠們出來，小吉沒立即玩，先向我請願 ，叫我唔好困住佢地 。既然有所要求，咁就由牠們在貓房玩多d，臨訓先困籠啦！ 10:00pm再入貓房看牠們，牠們很乖坐在梳化上，我問...

「無困籠係咪爽好多呀？」
小吉：「喵！係呀！好爽呀！」 然後大小吉一同上前high我的腳

上帝的創造真奇妙，連一個月大既小貓，都識同人類溝通。 我坐在貓房內看牠們玩QK棒，小吉好像漸漸留意到窗戶，難道牠感應到有風吹來，因我打開了窗，關上蚊網而已，見牠很專注地望住窗，我也朝窗戶看...嘩！ 原來大B和細B在窗外，俯視小貓，相比之下，大細b不再是小貓了，是大貓！

我同大b講 「我唔收留你地，因為你地有媽媽睇住，而且你地大個，識照顧自己，佢地無左媽媽，我先接佢地入來住咋，第日會送佢地俾人架啦！」 大細b好似明白，我打開蚊網關窗，小吉睇到牠們是大貓，好驚！ 我坐下來時，立即跳到我的屁股後面躲藏

「小吉唔洗驚，佢地都係叔叔和姨姨既長期食客！不過佢地大個，又有貓媽跟住，可以係出面生活，你地仲細，需要照顧。」安慰小吉，牠好像聽得明，好快走去同大吉開拳賽了。