我可以加入你們的家嗎？

今早大、細b吃完早飯，在我家鐵閘門前玩 ， 我綁了一條尼龍繩在曬衣架上，牠們一起去玩尼龍繩 。Esther & Moses站在屋內，看著大、貓b玩，奇怪的是囡囡沒有feee牠們 。四隻貓隔著蚊網和玻璃門見面、互望。

細b望入來見到我，向我喵叫：「我可以入來嗎？」然後伸個頭仔入鐵閘
牠仍很細隻，要不是關上玻璃門，牠一定夠位走入來。細b企圖走入來，Esther開始有反應 ，準備豎起毛...
「no！不好入來！ 」我說
Esther見我出聲，唔俾佢地入來，便走開了。

大、細b見我唔俾佢地入來，好乖，繼續玩尼龍繩。 一會兒站在門外望入來，看屋子內的情況，又望住大小二貓。 四貓互望，大、細b的眼神好像說：「我都想入來住呀！」

「Sorry啦！我家無位俾你地啦！你們繼續做自由貓，入來雖不仇開飯，但係無左自由囉！我當左你地都係我既貓啦，我對你地係用「放養」方式，一旦你地有病，我會帶你去睇醫生架，等你地大d會帶你地去做絕育手術，你地天天來開飯啦！ 」我說

一會兒打電話去spca，申請做cccp義工需時，到成功申請時，大、細b都應該夠大隻去做絕育手術。 近距離看清楚了，大b係仔、細b係女，怪不得細b身體細小一點。尖尾貓媽最後一個吃飯，牠幾時都咁偉大，永遠讓子女先吃， 自己在一傍守護，子女吃飽，自己才吃！ 昨晚掛住屈尾，尖尾家族走了，屈尾便到來最飯， 牠仍記得我叫牠做「屈尾」，我在廚房窗戶見到牠 ，打開窗叫牠，牠回頭望我，不過吃完飯便走了， 沒有留多一刻鐘，不緊要啦！打從第一日餵街貓，沒期望牠們記得我 ，沒期望有任何回報，旦求牠們不用捱餓，有啖乾淨茶飯，我便心足了！

住在我屋子後面，有一對夫婦鄰居很喜歡貓的，他們有時在屋外， 隔住窗聊Moses玩的，希望有一天游說到他們養貓，我最希望他們要左尖尾家族 。樓上的鄰居都很喜歡小動物的，我在家門餵街貓，他們走過都會同街貓打招呼 看來，街貓在我家附近生活，暫時不成問題，應該安全的。