憂心忡忡的Moses

今早我放大小吉出來活動下，拍下一些video和相，童年是十分短暫，也因牠們是暫養貓，拍多些留下美好回憶。讓牠們玩了半小時，樂不可支，還以我的雙腿作戰壕。睇小貓玩打架，原來有一番樂趣，小吉常不夠打，被大吉壓著尖叫 ，見到牠們開始有火藥味，我便出手制止牠們，哈！小貓細細識聽人講野，牠們都幾聰明！

歡樂時光好快過了半小時，把牠們放回籠中，大小吉哀求我，當然不是唔捨得我走啦！係唔捨得歡樂時光而已。無法啦！我地要出街。

打開門，Moses站在門外，樣子憂心忡忡...
「Moses！你唔開心呀？」
「喵！係呀！」
「你擔心我地唔再鍚你？」
「喵！係呀！」
「傻仔！梗係唔會啦！ 你和姐姐係我地子女，我地唔會將你俾人架，大小吉係臨時住客，搵到主人就會走架啦！我地唔救佢地，會死得好慘架！」
「傻仔地位，誰可代替！」