魚翅 與 粉絲

囡囡前晚表示，食applaw食到厭，新鮮開既applaw罐罐，lam 兩野就唔食，好在仲有Moses食。

「囡囡！做咩咁浪費呀？食厭左啦？」媽咪拿住貓碗對牠說

「喵嗚！係呀！」囡囡

昨晚媽咪外出，交由爸爸餵家貓和街貓，爸爸昨天在惠康，買了十元四罐cheap cheap罐罐，既然囡囡食厭左魚翅，不如給牠一次粉絲啦！Moses依然咩到食，但囡囡lam兩野，便食唔落，寧願唔食，等我回家。第一件事便說： 「媽咪！好肚餓呀！ 」Esther望下貓碗，示意給媽咪看，爸爸俾左d好難食既野佢

「你昨晚話食厭左applaw呀嗎！爸爸未同你轉下口味囉！ 」我說

「喵嗚！ 」囡囡

「阿囡！你唔好咁咀叨啦！外面有七隻貓無得食呀！你唔食既野，佢地當極品啦！ 」媽咪

於是媽咪去拿貓餅給牠吃，Esther食得很急，我諗佢一定很餓了！

「囡囡！慢慢食呀！唔係又嘔！ 食完唔好跑呀！坐下休息先」 囡囡聽到我講，即刻減慢食速，食飽真係坐係地上

今晚將囡囡不吃的cheap cheap罐罐和applaw，渾在一起 + 乾糧俾街貓食！好在有呢班長期食客，一定無浪費，唔洗五分鐘渣都無。

今晚同佢地講： 「我遲下帶你地去做絕育手術，第日你地唔洗生貓仔架啦！到時我叫你地入籠，就乖乖入籠啦！你地放心啦！我一定帶你地返來呢度既！你地到時身上有晶片=有免死金牌，唔洗怕俾漁記捉。」我說

屈尾聽到我叫佢地入籠，果然自己走入個籠度坐係度 ，個時籠內既食物已食清，係無食物架啦(有相為證，請看上圖)。唔通食客們真係信我信到咁既地步？

乘食客們專心開飯時，我拿相機給牠們拍照，大細b食完，好奇前來睇我做咩，對照相機甚有興趣。