姨姨頭上動土

剛才清理貓老闆們的廁所，我地臨時用了Moses的砂產，去清理大小吉的便便。Esther & Moses暫時共用一個砂產。

四位貓大帝的便便都很好！大小吉一見我入房，便叫我開籠俾佢地出來玩 。大吉無有識死，扒上我身上搞我的頭髮，仲上扒埋上我既頭頂，來一招「姨姨頭上動土」。 小吉跳上梳化頂，牠們身體雖細小，但係身手相當敏捷，一跳便跳到上梳化。 真係唔好睇少佢地貓仔細細呀！都幾叻仔，識得幫自己埋便便。

摸上手，牠們好似大隻左少少，但係仍然是排骨仔，牠們比初來的Moses更加排骨。 兩兄弟走出來，相擁玩摔跤，原來大吉的尾巴係繞成一個圈，好得意。 觀察牠們的動態，相信牠們有蝨，但是太細個，我不敢胡亂給牠們杜蝨 ，還是交給獸醫開藥吧！順便給她檢查下牠們都好！ 兩兄弟感情不錯，很好！相信牠們習慣這個環境，有信任，才可放心玩和探險 。

大吉、小吉！希望叔叔和姨姨可以幫你地搵到好主人啦！ 唔知可以同你地相處多久，但我地係會盡力俾多d愛你地。你地長大後，可能唔記得我地，但呢d唔緊要，最緊要你地生活得好，有好主人愛惜，係我地對你地最大既祝福！

Moses而家唔彩我呀！唔俾我摸佢！ 躲在窗簾後面，唔出來見我！ 算吧！這是牠必經學習的階段！