肥吉兄弟

今早餵街貓，仍沒見尖尾貓媽來，已好幾天沒見牠了！大細b仍在霸頭位，大b食得最多，為使其他貓都有得食，情急之下我拿起大b，說：「你食左好多啦！俾細b食！」 大b竟然毫不反抗，任我抱起牠？突然想起有義工叫我別觸摸街貓，唉呀！唔記得左！破左戒！ 不過第日捉街貓時，我更加有信心了，至少捉大細b係有多些信心！

試給大小吉硬糧，放一粒在大吉的口內，嘩！食到，仲好快扒上來，叫我俾多d佢，小吉也要食，情急咬傷了我的手指，流血了，都幾痛 。 索性給牠們一碗，好快食左一半了！ 我猜牠們應該超過一個月大了！雖然身形跟Moses初來時差不多，但當時Moses的牙齒很幼，吃不到乾糧。大小吉的牙齒較堅硬！那麼即是牠們很瘦小了。

哈哈！大吉、小吉，你地俾我地拾到，你地有福啦！我地呢兩個肥人，無咩叻，最叻係「槽肥」人地，當日獸醫都話Moses瘦架，而家成隻無頸既肥貓仔！ 你地住係我呢度，好快會變「肥吉兄弟」。

觀察肥吉兄弟幾天，牠們的大便都幾靚，一粒粒的，每天都有小便，胃口都幾好。下星期帶肥吉兄弟見獸醫，先做一個簡單的健康檢查及杜虫、杜蝨！ 好在有照顧貓b Moses 的經驗，不至手忙腳亂。多謝你呀 Moses！

遲些去醫生覆診時，順便問下醫生的意見，可否給我打埋破傷風針，反正要捉街貓，早晚都要打了。