今早改為1號風球，清早起來， 尖尾家族已離開臨時居所，躲進對面阿婆的屋頂，大細b在屋頂跑來跑去，玩追逐。大b見到我在廚房出現，第一時間走過來叫我。

而屈尾也前來喵叫：「屈尾你昨晚無來？去左躲呀？成晚無食野呢？」
屈尾：「喵喵呀！」然後狼食一番 十足一個飢民

開飯俾貓地們吃後 ，便出去大門口收拾，用1:50份量清洗太平地。原本打算掉棄Moses的舊貓袋，昨晚同相公商討過，決定留下它，待下次打風時，可再給牠們避雨，雖然個袋內裡破裂，但仍頂得下既！ 貓貓看著我拆屋，洗屋和洗大毛布，掛在曬衫架上，眼碌碌好似好唔捨得間糷屋

「昨晚打風先俾你地係度訓咋，唔可以長期架 ，怕d鄰居唔高興，到時你地無命慘呀！」唔知佢地明唔明，我知自己在幹什麼就算了！

Esther真係好懂性的，沒有因暫時收留尖尾家，而向我發脾氣，囡囡好像知道我們一片好心，反而Moses唔開心...

「你好命，俾我拾左返來，無捱過苦，姐姐就知呢！做街貓好慘架！ 」我說
Esther眨眼認同
Esther睇住左我收起舊貓袋，眼碌碌望住，「囡囡！我唔會俾佢地長住，你和細佬才可長住」
不知道Esther是關心，還是八卦？今早見牠不斷追蹤大細b的行蹤。 其實囡囡既心地都幾好，係一隻有愛心既貓 。我常以前囡囡跟到我地好幸福，如今覺得養到囡囡係我地既福氣！

昨晚半夜起來，看看廳長Moses和尖尾家族，Moses反起肚在小圓床上睡覺，

「你好仲意呢張床仔呀？」我問
「喵！係呀！」
「怪不得不肯入來同睡啦！ 自己一張床仲好！」
「喵！」

一會兒看尖尾家族，偉大的貓媽，讓子女在貓袋內睡覺 ，自己守在袋口，擋風雨，漫漫長夜一定又冷又餓了 。2:45am 我拿些乾糧出去，俾貓媽媽吃！牠先望下我，一臉感激，眼濕濕咁

「貓媽媽！食呀！」 今次貓媽媽毫不猶豫地狼食， 牠一定很餓了！

如果我做了cccp義工 係咪以後合法餵街貓？