今早很忙，用了一小時的時間，才服務完各位屋外十隻、屋內4隻的貓老闆，趕時間出門，竟然關了睡房門，忘記Esther & Moses在房內 。結果牠們被困足一天，今晚回來才知道 被囡囡罵我 都係我唔好！連連向大小二貓道歉，換來牠們用頭仔頂我的手，告訴我：「媽咪我原諒你！」

今晚回到家門，又係被街貓包維，五時多便問我取食物：「大佬！仲有無早d呀？」煮完人既食物，便搞貓既食物，突然間感到自己好重要，家中不論是人是貓，都要靠我煮飯

打開貓房睇大小吉，小吉例行示威 ，抗議被困在籠中，放了牠們出來，小吉仍走到我跟前，%^&%&^@%$^%&咁講野 示威！明白既！成日困籠係好悶，牠是小孩子，當然要多些地方玩耍，好啦！我們在家時，放牠們出籠，離家才困籠。

可是小吉並不滿足於貓房的小天地，牠的心懷大志，要擴充牠的境界，望向貓房的門口，見到大貓哥哥Moses行過，相信門外另有天地，因此，當我開門拿食物給牠們時，小吉一個箭步衝出貓房，直奔飯廳 。而我立即一手拾起牠返入貓房，打牠的屁股仔，以示警界 ...

「你再亂走，我就困你籠，唔俾你出來！ 」 大吉即刻自己走回入籠，好乖地坐著，小吉自知做錯事，縮在一角！

一會兒，我將Esther用舊了的紙板給大小吉，捉住牠們的手仔，教牠們在紙板上練爪功。大小吉即時愛上了紙板，不時走上去抓幾下，即時俾我大讚牠們「good boy！」

為免小貓再次衝出來，今後每次入貓房，都手拿水槍，預備有需要時water 小吉問我：

「呢支係咩來架？」
「呢支係用來對負d唔聽話既貓仔既」 大小吉好奇，圍住水槍研究一番

其實相比之下，我覺得大小吉比同年紀時的Moses易教，Moses係好奀皮的。

「Moses！雖然你好奀皮，我地仍然咁愛你架 ！不過，如果你再乖d，當然更加好啦！」

「小吉！你好想出去玩呀？」
「喵呀！ 」小吉
「我明天便帶你地出街，去獸醫度玩啦！獸醫會幫你地做身體檢查，杜虫杜蝨毚後，你地唔會再周身痕架啦！」 大小吉好似唔明我講咩 ，淨係知有得去玩

小吉在地板上，好大聲既咕咕聲 「小吉！你好開心呀！？」
「喵！係呀！ 」 然後跳上我大脾，伏在我的大肚腩上望住我
「你好仲意我呀？」
「喵！係呀！ 」
「我都好仲意你呢！不過呢度唔係你長遠既屋企，我會幫你搵一個愛你既家架！」小吉眼碌碌唔係好明咁
「大吉！你仲意我嗎？」 大吉比較內向，少聲氣，但係牠跳上我的大脾坐下來 ... 我諗大吉都仲意我既

看來小吉性格較熱情直接，大吉較內向文靜。

相公提我，別太投入情感，以免離別時傷心 ，其實以前我也有這顧慮，想深一層，既然上帝安排牠們來到，不知可相處多少日子，為什麼不襯牠們在我家時，給牠們多一點點愛呢？ 雖然離別帶來傷感，但只要牠們得要永遠的幸福，這些眼淚是流得有價值的 。